Жалған заңгерлер

Жалған заңгерлер алаяқтықтан зардап шеккен адамдарды алдауды жалғастыруда.

Олар өздерін "Sigma" атты жалған заң компаниясы ретінде таныстырып, жоғалған ақшаны қайтарып беруге көмектесеміз деп уәде етеді. Алайда іс жүзінде "кешенді заң қызметтері" деген сылтаумен жәбірленушілерден тағы да ақша алуға тырысады.

Әлеуметтік желілерде "Қазақстан Республикасының Қаржылық мониторинг агенттігі" атынан адамдарға ББҚ мен дәрі-дәрмек сатып алуға жұмсалған қаражатты қайтаруға немесе өтемақы алуға көмектесеміз деген жарнамалар таралуда.

Мұндай хабарландырулар күмәнді сайттар мен формаларға бағыттайды. Онда пайдаланушылардан телефон нөмірін, жеке деректерді, растау кодтарын сұрауы немесе "көмек көрсету" сылтауымен ақша талап етуі мүмкін.

Материалда ҚМА мен оның аумақтық бөлімшелері алаяқтардан ақшаны қайтару бойынша жарнама жасамайтыны, құпия кодтарды сұрамайтыны және әлеуметтік желілердегі кездейсоқ сілтемелер арқылы өтемақы ұсынбайтыны ескертіледі.

Ақпаратты тек ведомствоның ресми сайттары, парақшалары және байланыс арналары арқылы тексеру қажет.

Алаяқтар әлеуметтік желілерде Қаржылық мониторинг агенттігінің атынан жалған аккаунттар мен жарнамаларды пайдаланады.

Олар өздерін ҚМА немесе оның бөлімшелерінің қызметкерлері ретінде таныстырып, алаяқтардан жоғалған ақшаны қайтарып беруге уәде етеді және сілтемеге өтуді ұсынады. Осыдан кейін жеке деректерді, құжаттарды, SMS-кодтарды, құпиясөздерді немесе шот деректерін алдап алуға тырысады.

Шын мәнінде Қаржылық мониторинг агенттігі қаражатты қайтаруға уәде беретін жарнамалар жарияламайды, жалған аккаунттар арқылы байланысқа шықпайды және құпия ақпарат сұратпайды.

Материалда ресми дереккөзді қалай тексеруге болатыны және жаңа алаяқтық схемасына қалай алданбау керектігі түсіндіріледі.

Жалған заңгерлерден сақ болыңыз!

Алаяқтар интернетте қаржы пирамидаларынан, жалған брокерлерден және басқа да алаяқтық схемалардан зардап шеккен адамдарға бағытталған жарнамалар таратады.

Олар ақшаны тез қайтарып береміз деп уәде етеді, «табылған қаражат» көрсетілген жалған құжаттарды жібереді, содан кейін «комиссия», «салық», «криптовалютаға айырбастау» және басқа да ойдан шығарылған шығындарды төлеуді талап етеді. Нәтижесінде адам тағы да ақша жоғалтады.

❌ Қаражатты оңай қайтару туралы уәделерге сенбеңіз!
✅ Ақшаны қайтару тек заңда белгіленген тәртіппен және құқық қорғау органдарына жүгіну арқылы мүмкін.
✅ Егер заң фирмасының заңдылығына күмәндансаңыз — бізге хабарласыңыз.

Алаяқтар Қазақстан Республикасы Ұлттық Банкі Төрағасының орынбасарының бейнесі қолданылған дипфейкті, Ұлттық Банктің логотипін және тарату рәсімінен өтіп жатқан нақты заң компаниясының деректерін пайдаланып, chargeback рәсімі арқылы ақшаны қайтарып береміз деп мәлімдейді.

Әлеуметтік желілерде "Банкроттықсыз қарызды есептен шығару" қызметтері "Құқықтық көмек көрсету орталығы" атынан жарнамалануда. Бұл бейнероликте алаяқтық белгілерін талдап, қарыз мәселесіне тап болған жағдайда қайда жүгіну қажет екенін түсіндіреміз.

Алаяқтар нысаналы жарнамада Қазақстан Республикасының Қаржылық мониторинг агенттігінің бейнематериалдарын пайдаланады.

Өздерін заңгер ретінде таныстырып, алаяқтардан, қаржы пирамидаларынан және жалған брокерлерден жоғалған ақшаны қайтарып береміз деп уәде етеді.

Алаяқтар АХҚО сайтының көшірмесін жасап, сол арқылы алаяқтар мен қаржы пирамидаларынан жоғалған ақшаны қайтарып береміз деп уәде етеді.

Мұндай сайт арқылы өтініш толтыру жеке деректердің қолды болуына әкеліп, қосымша қаржылық шығындарға себеп болуы мүмкін.

Алаяқтар біздің жобамыздың атын пайдаланып, қаржы пирамидаларында жоғалған ақшаны қайтарып береміз деп уәде етеді.

Бізбен тек ресми байланыс арналары арқылы хабарласыңыз:

📞 Тел./WhatsApp: 8 707 477 17 17
🌐 Сайт: www.stop-piramida.kz
✉️ E-mail: info@stop-piramida.kz
📱 Instagram: @stop_piramida.kz

Құлаған "Boxy Wealth" қаржы пирамидасының салымшыларына ақшаны қайтарып береміз деп уәде ететін жалған заңгерлердің жарнамасы.