Шетелдегі жұмыс

Тәжірибесіз және тіл білмей-ақ шетелде жұмыс уәде етеді. Мұның астарында не жатыр?

Көп адам шетелде жоғары табыс табуды армандайды, бірақ жұмыстың орнына ақшасынан айырылып жатады.

Шетелде жұмысқа орналастыру қызметтері үшін ақша төлемес бұрын тексеретін чек-парақ:

✅ Шарттағы әрбір сөзді мұқият оқыңыз.

❌ Егер шартта "жұмысқа орналастыру" емес, "консультациялық қызметтер" көрсетілсе — қол қоймаңыз.

✅ Компанияны ресми сервистер арқылы сот даулары мен берешектерге тексеріңіз.

❌ Егер компанияның клиенттермен сот даулары болса немесе сот орындаушылары алдындағы өтелмеген қарыздары анықталса — ондай компаниямен жұмыс істемеңіз.

Мыңдаған адам "шетелде жұмыс" туралы жарнамаларға сеніп, жолға шығады. Алайда нәтижесінде олар қылмыстық топтардың тұзағына түседі: біреулері алаяқтық колл-орталықтарда жұмыс істеуге мәжбүр болады, біреулері арзан жұмыс күші ретінде пайдаланылады, ал кейбір жағдайларда тіпті адам ағзаларын заңсыз алу қаупі туындайды.

Мьянма мен Таиландта 150 000-нан 200 000-ға дейін адамды күшпен ұстап отырған ондаған кешен жұмыс істейді.

Зардап шеккендердің арасында қазақстандықтар да бар. Мемлекет мұндай жағдайлардан өз азаматтарын құтқаруға мәжбүр болған.

Өзіңізді және жақындарыңызды қорғаңыз. Оңай ақша мен шетелде жұмыс уәде ететін кез келген компанияны мұқият тексеріңіз.