Алаяқ Telegram арнасы | Баян Алагөзова атынан жүргізілген жалған “Светлый путь” жобасы

Алаяқтар Баян Алагөзованың атынан Telegram-арна ашып, “Светлый путь” деп аталатын жобаны насихаттауда. Хабарламаларда олар 100 000 теңгеге “ресми ваучер”, мемлекет кепілдік берген табыс және пәтер ұтысына қатысу мүмкіндігін ұсынады.

Келіскеннен кейін адамға дроппер ретінде пайдаланылатын жеке тұлғаның банк картасының деректері жіберіледі. Ешбір мемлекеттік мекеме мұндай ұтыс ойындарын өткізбейді және 1000% табысқа кепілдік бермейді.

Бұл қайырымдылық жоба емес, көмек пен табыс табу мүмкіндігі ретінде көрсетіліп, ақша алуға бағытталған схема.