Stop-Piramida.kz пен микроқаржы омбудсманы Естеусізова Назгүл Қарасқызы қаржылық қызметтерді тұтынушылардың құқықтарын қорғау, алаяқтық схемаларға қарсы іс-қимыл жасау және халықтың қаржылық сауаттылығын арттыру мақсатында ынтымақтастық туралы меморандумға қол қойды.
Келісім азаматтардың өтініштерін қарау, қарыз алушылардың құқықтарының бұзылуының алдын алу, микроқаржы нарығындағы адал емес тәжірибелерді анықтау, сондай-ақ халықтың құқықтық және қаржылық сауаттылығын арттыруға бағытталған бірлескен ақпараттық-түсіндіру және ағартушылық бастамаларды іске асыру бойынша өзара іс-қимылды көздейді.
