Күмәнді сатушылар | WYP.kz ісі бойынша өтініштер тұрғылықты жері бойынша қабылдануда.

WYP.kz бойынша қылмыстық іс Астанада тергелуде. Өтініштерді жинау процесін жеделдету үшін өңірлердегі жәбірленушілер тұрғылықты жері бойынша аумақтық Экономикалық тергеп-тексеру департаменттеріне жүгіне алады. Өтініш беру үшін жеке бару қажет. Өтініште WYP.kz жобасына қатысу жағдайларын, салынған қаражат сомасын, қолда бар дәлелдерді, сондай-ақ сізді жобаға нақты кім тартқанын көрсету маңызды. Алдын ала хат алмасуларды, чектер мен түбіртектерді, банк көшірмелерін, шарттарды, скриншоттарды және ақша аударымдары мен WYP.kz өкілдерімен байланысты растайтын өзге де материалдарды дайындап барған жөн.