Несиелер мәселесі | Қазақстанда борышкерлерге арналған «цифрлық аңду» іске қосылды

Қазақстанда сот шешімдері бойынша борышкерлерге цифрлық бақылау күшейтілуде. Мемлекеттік органдардың мәліметінше, 2024 жылғы қаңтардағы жағдай бойынша іздеуде 4 560 борышкер болған, олардың 2 118-інің тұрғылықты жері анықталған.

Жүйе борышкерлерді қоғамдық орындарда, әуежайларда, теміржол вокзалдарында, ХҚКО-ларда, мемлекеттік қызметтерді алу кезінде және билет сатып алу барысында анықтауға мүмкіндік береді.

Сондай-ақ камералар мен жасанды интеллект борышкерлердің көліктерін анықтай алады. Осыдан кейін полиция көлікті тоқтатып, айып тұрағына жібере алады. Бұл шаралар сот шешімдерінің нақты орындалуын қамтамасыз етуге және өндіріп алушылардың құқықтарын қорғауға бағытталған.