Қазақстанның Әділет министрлігі коммуналдық төлемдер бойынша берешекті нотариустар арқылы өндіріп алу тәртібін реттейтін заңға тәуелді нормативтік актіні әзірлеуді жоспарлап отыр. Әңгіме атқарушылық жазба негізінде өндіріп алынатын берешектер туралы болып отыр.
Мәжіліс депутаты Екатерина Смышляеваның айтуынша, өңірлердегі МИБ пен ПИК өкілдерінен көппәтерлі тұрғын үйлер бойынша қарыздарды өндіріп алу кезінде нотариустармен жұмыс істеуге қатысты қиындықтар жөнінде өтініштер түсіп жатыр.
Негізгі мәселе – барлық нотариустар коммуналдық қызметтер бойынша қарыздарды атқарушылық жазба арқылы өндіріп алумен айналысуға дайын емес. Іс жүзінде көптеген қалаларда мұндай жұмысты бір немесе екі ғана нотариус атқарады, соның салдарынан жүктеме аз ғана маманның мойнына түседі.
ПИК өкілдері нотариустарға борышкерлер бойынша өте көп өтініш жолдайды. Кейбір жағдайларда бір мезгілде 500 және одан да көп өтініш беріледі. Ал нотариустардың қызметін қадағалайтын нотариаттық палаталар мұндай көлемде атқарушылық жазбаларды бірден рәсімдеу жол берілмейтінін атап өтеді.
Соның салдарынан өтініштерді қарау мерзімі ұзарады. Егер ұсынылған өзгерістер қабылданса, қарыздарды өндіріп алу рәсімі жеделдеп, борышкерлерден түсетін қаражат тұрғын үй қорына қызмет көрсететін ұйымдардың шоттарына жылдамырақ түсуі мүмкін.
Дереккөз:
Atameken Business: https://t.me/atamekenbusiness/32748
