2026 жылғы 19 мамырдан бастап Қазақстанда экономикалық құқық бұзушылықтарға қатысы бар жеке және заңды тұлғалардың тізілімін қалыптастыру қағидалары күшіне енеді. Құжат Қазақстан Республикасы Қаржылық мониторинг агенттігі төрағасының 2026 жылғы 5 мамырдағы № 9 бұйрығымен бекітілген.
Тізілімге экономикалық қылмыстық құқық бұзушылықтар бойынша заңды күшіне енген айыптау үкімі бар жеке және заңды тұлғалар енгізіледі.
Жеке тұлғалар бойынша тізілімде тегі, аты, әкесінің аты, туған күні, Қазақстан Республикасы Қылмыстық кодексінің бабы және сотқа дейінгі тергеп-тексеру жүргізген орган көрсетіледі. Заңды тұлғалар бойынша компанияның атауы мен БСН жарияланады. Егер іс қаржы пирамидасына қатысты болса, жобаның атауы да көрсетіледі.
Тізілімнен шығару үшін соттылықтың жойылуы немесе алынуы, жеке тұлғаның қайтыс болуы немесе әрекетке қабілетсіз деп танылуы, сондай-ақ заңды тұлғаның сот шешімімен таратылуы негіз болады.
Тізілімді Экономикалық тергеп-тексеру қызметінің жауапты бөлімшесі жүргізеді. Ол ведомствоның ресми интернет-ресурсында жарияланып, тоқсан сайын жаңартылып отырады.
Дереккөздер:
