Қазақстанда банкомат арқылы жүргізілетін операцияларға бақылау күшейтілуде. Жаңа шаралар қылмыстық кірістерді қолма-қол ақшаға айналдыруға және дропперлік карталарды пайдалануға қарсы бағытталған.
2026 жылғы 1 қаңтардан бастап банктер банкоматтардағы бейнежазбаларды кемінде 180 күн сақтауға міндетті. Егер операция кейін күмәнді деп танылса, оған қатысқан адамдарды бірнеше айдан кейін де анықтауға мүмкіндік болады. Сонымен қатар бет-бейнені немесе саусақ ізін тануға негізделген биометриялық сәйкестендіруді енгізу мәселесі қарастырылып жатыр.
Сонымен бірге Мемлекеттік кірістер комитеті қарапайым банктік операциялардың өздігінен салықтық тексеруге негіз болмайтынын түсіндірді. Банкомат арқылы шотты толықтыру, депозиттен ақша аудару, жалақы мен әлеуметтік төлемдерді алу, сондай-ақ жақын туыстар арасындағы аударымдар автоматты түрде күмәнді операцияларға жатқызылмайды.
Қаржылық мониторинг агенттігінің мәліметінше, өткен жылы күмәнді схемалар арқылы шамамен 13,3 трлн теңге қолма-қол ақшаға айналдырылған. Сондықтан мемлекет ақшаны жылыстату мен дропперлерді пайдалануға қарсы бақылауды күшейтіп отыр.
Дереккөз: Kazakhstan Today
_0x0_9c1.jpg)
